ه‍.ش. ۱۳۸۸ خرداد ۲۶, سه‌شنبه

کد کدين بيت کد هما باندات، من هما باندات ءَ اميت واران ! ( گڈی بهر)

ڈنی يان ءِ گلينگ ءُ ملک ءِ دارگ هما مردمی واک ءُ قدرت انت. کردان مان کردستان ءَ رند چه ۱۳۵۷ ءُ ۱۳۵۸ ءِ سالان پيش داشت که اے بيگی کارے انت. مروچی بلوچستان ءِ هر کلگ ءُ ميتگ ءُ شهران واننده ءُ سرپدين مردم ، کماش ءُ دمگی سروک، راجی سرطايفه ءُ تجربه کارين عالم ءُ زانتکار باز انت. اشان په بلوچستان ءُ کوم ءِ هاترا په وتی مردم ءُ آيوکين نسلانی زند ءِ گهبودی ءَ تپاکی ءُ په دلين ( هاله ئين) يکويی ءُ اتحاد لوٹيت. اتحاد ءُ تپاکی مئی سوب ءِ کليد انت.مئی درستانی دژمن ڈنی مردم ءُ تهران ءِ فاشيستی حکومت انت. بلوچ کوم په گنجين بلوچستان ءِ آزاتی ءَ هزارانی هزار کربانی ءُ شهيد داتگ ما را بايد انت گون شهيدانی سهرين هونان وپادار بئين. ناتپاکی ءُ يک يک بيگ ما را چه اے وپاداری ءُ چه شهيدانی اوست ءُ ارمانان دور کنت.
اگان وتی کومی جد ءُ جهد ءِ راچدپتر ءَ چار ءُ بیچار بکنین گڑا گندین که ناتپاکی ءُ وت مان وتی اڑ ءُ جنجالان
باز رند ءَ بلوچستان ءُ بلوچ کوم ءَ مزنین تاوان داتگ. چه چاکر ءُ گوهرام ءِ دوارسوچين جنگان بگر تان هنوگين ناتپاکيان مئی زند جاوران بازتاوانبار بوتگ انت ءُ مئی دژمنان بزان تهران ءِ جاهلین فاشیستان مئی ملک ءِ حاکم کتگ. مان مروچیگین جاوران گیشتر چه هر وهد ءَ ما بلوچان ءَ تپاکی ءُ یکویی پکار انت.
جوانین گپ ایش انت که باز انت سرپد ءُ زانتکارین بلوچ اوبادگان که گون سیاسی ءُ سلهبندین بلوچی مچی ءُ هوربندان هوارانت ءُ په کوم ءِ حکانی گرگءَ « سرین بستگ ءُ اوشتاتگ» انت. دگه وشین گپ ایش انت که اے ذمه وارین بلوچان روچ په روچ گیش بوان انت .
همے ذمه وارین بلوچ براتان منا گوشگی انت که اگان تپاک ببئیت په کوم ءِ نپ ءُ پائدگ انت. یک برے پدا ناتپاکی ءِ چکاسگ مزنین ردی انت. بلوچ مچی ءُ هوربند چوش که جنبش جندالله، سازمان مبارزین بلوچستان، بلوچستان ءِ راجی زرمبش ،
بلوچ استمان ءِ گل ، دوئين مردمی جبهه يانءُ درستین بلوچ هوربندا نی تپاکی په مئی ایردست ءُ بے وسین کوم ءَ مزنین سوبے بیت.
شما درستان ايران ءِ مروچيگين سيا سی جاوران وَ گندگ ايت.

چه يک نيمگے سيد علی خامنه ا ی گون بيدرين احمدی نژاد گنده ترين مذهبی حکومتے ءِ واب ءَ گند گ انت.
په وتی منّ ءَ «جهان اسلام» ءَ تيار کننت تان آهانی امام مهدی
چه جمکران ءِ جهل ءُ تهارين چاه ءَ در بئيت ءَ وتی ابدی شيعی نظام ءَ اڈ بکنت


چه دگه نيمگے روچ په روچ مردمان گيشترءُ گيشتر چه وتی حکان پوه ءُ سرپد بيگاا نت ءُ خامنه ای، رفسنجانی ءُ آدگه چارصدبيستين آخوندانی ٹگی ءُ دوتل ءُ دو پوستی یان گيشتر پاشک بنت. تهران ءِ رسترين ملايانی وت مان وتی گرءُ گيش بارين په کجا سر بيت؟ ايران ءِ بنديگين راجان ءُ فارس منندين مزنين شهرانی تظاهرات ءُ زرمبشت رند چه پنامين گچين کاری ءَ مئی گلين باندات ءَ نزيکترکنان انت.
بهر حال بلوچ سياسی ءُ سلهبندين هوربند ان همت کنگی انت، ءُ گون يکدگر ءِ وجود ءُ سياسی فکرانی احترام ءَ پکائين رهبندے ءِ سرا يکجاه بيگ ءِ سک زلورت انت.. چوشين رهبندے که په بلوچ کوم ءُ بلوچستانءِ آيوکين وهد ءُ آيوکين نسلانی رکينگ ءِ هاترا واکدارترين راجی جد ءُ جهد ءُ تپاکی ءِ نوکين دورے بياريت.



پروشت ءُ پروش بات ايران ءِ شيعی - فاشيستی حکومتآزات ءُ آباد بات گنجين بلوچستان
۱۶ جون ۲۰۰۹ بريبر گون ۲۶ خرداد ۱۳۸۸
محمد کريم بلوچ

۱ نظر:

ناشناس گفت...

كد كدي بيت كه جهبجنت استون زند بکنت کوه کوچگان سرگوار سندكو كوه كوچگان سر گوار